അക്ഷരകലാ വര്‍ക്കറാവാന്‍ വേണ്ട യോഗ്യത തൊഴിലിലുള്ള വൈദഗ്ധ്യമാണ്. ഇതുണ്ടായാല്‍ ഏതൊരാള്‍ക്കും അക്ഷരകലാ വര്‍ക്കറാവാന്‍ കഴിയുമെന്നായിരുന്നു നാരായണപിള്ളയുടെ വാദം.


അക്ഷരകലാ വര്‍ക്കര്‍മാര്‍ തൊഴില്‍ മേഖലയില്‍ രണ്ടു രീതിയില്‍ ഔന്നത്യം കാണിക്കാറുണ്ട്. ഒന്ന് തൊഴിലിന്‍റെ സാങ്കേതികത്വത്തില്‍ കാണിക്കുന്ന ഔന്നത്യം തന്നെ. ഇതിനെയാണ് ഞാന്‍ ക്രാഫ്റ്റായി പറഞ്ഞത്. ആശയക്കുഴപ്പം ഒഴിവാക്കാനായി, നമുക്കിതിനെ വൈദഗ്ധ്യം എന്നോ സ്കില്‍ എന്നോ വിളിക്കാം.


രണ്ടാമത്തെ ഔന്നത്യം എന്തു പേരിട്ടാണ് വിളിക്കേണ്ടത് എന്ന് എനിക്കറിയില്ല. ഇത് അസ്തിത്വത്തിന്‍റെയോ മനുഷ്യകുലത്തിന്‍റെയോ പ്രകൃതിയുടെയോ പ്രപഞ്ചത്തിന്‍റെയോ ഭാഗധേയവുമായി ബന്ധപ്പെട്ട ഒന്നാണ്. അക്ഷരകലാ വര്‍ക്കര്‍മാര്‍ മാത്രമല്ല ഈ രീതിയില്‍ ഔന്നത്യം കാണിക്കുന്നത്. ഏതു തൊഴില്‍ മേഖലയില്‍ പെട്ടവരില്‍ നിന്നും നമുക്ക് ഇത്തരക്കാരെ കണ്ടെടുക്കാം.


നമ്മുടെ എഴുത്തുകാരുടെ പ്രശ്നം ഈ രണ്ട് ഔന്നത്യങ്ങളെയും വേണ്ടവിധം മനസ്സിലാക്കാത്തതിലുള്ള ആശയക്കുഴപ്പമാണെന്ന് തോന്നുന്നു. (എനിക്കിത് മുഴുവന്‍ മനസ്സിലായെന്ന് തെറ്റിദ്ധരിക്കരുതേ, അവിടവിടെ ചില വെളിച്ച സുഷിരങ്ങള്‍ ഞാന്‍ കാണുന്നു എന്നേയുള്ളൂ. )

പ്രതിഭ എന്നു് മലയാളത്തിലും ക്രാഫ്റ്റ് എന്നു് ഇംഗ്ലീഷിലും എഴുതിയതുകാരണം രണ്ടും തമ്മിലുള്ള ആ വലിയ അന്തരം എനിക്ക് വ്യക്തമായില്ല ബെന്നീ. അല്ലെങ്കിൽ ക്രാഫ്റ്റെന്നതൊരു പ്രതിഭ തന്നെയല്ലേ എന്നൊരു സംശയം. എങ്കിലും എന്തെല്ലാമോ മനസ്സിലായതുപോലെ, എം.പിയുടെ സ്ഥിരം മുഖമുദ്രയായ വാക്കുകളിലെ ആർഭാടത്തം ഒഴിച്ചുനിർത്തുന്നു.